#راقت لي
انا همومي جهال وترضع دموع
اقضي الليل الولي ومايهيدون
اغطي بهاذ يقعد ذاك وينوح
ويفزون على صوته وماينامون
الكبر منهم فطمته وياكل ضلوع
شسوي انوب لو كلهم يكبرون
جنح بيه انكسر والثاني مخلوع
وطرت قوة على عناد اليكرهون
#بس_اسمك_نهر والماي مقطوع
وانا على الجرف الهث بالعيون
اون بسكون موش بصوت مسموع
وانا جروحي علج والوادم سنون
من عرجه الفرح من روحي مشلوع
وشتل زرعه الزمان بنص العيون
عشت عمري بيتم ومكقمط بجوع
ورضعت الظيم من دون اليرضعون
تمنيت الوقت لو يرجع رجوع
وانا مسودن واريدن يرجع الكون
بعده اخضر عشقنا وتوه مزروع
واجو ربعي بمناجلهم يحصدون
يونس زين عمي بحوت مبلوع
انا بحلق الشماته المايرحمون
ليست هناك تعليقات:
إرسال تعليق